Valmynd Gerast meðlimur

Markaðsverðlaun 2010

Markaðsfyrirtæki ársins

Forseti Íslands afhenti Íslensku Markaðsverðlaunin 4.nóvember 2010 á hótel Hilton Reykjavík Nordica.

Markaðsfyrirtæki ársins var valið Borgarleikhúsið.

Heildræn markaðsstefna Borgarleikhússins hefur gert fyrirtækinu kleift að ná sterkri fótfestu á markaðinum á mjög stuttum tíma. Borgarleikhúsið hefur verið stefnufast í markaðssókn sinni frá haustinu 2008. Þá var lögð skýr stefna og henni hefur verið fylgt eftir með tiltölulega litlum breytingum. Með nýju merki, nýrri stefnumótun og nýjum nálgunum er leikhúsið orðið sýnilegasta leikhús landsins.

Önnur tilnefnd fyrirtæki fyrir verðlaunin Markaðsfyrirtæki ársins voru Icelandair og Vínbúðin.

Dómnefnd

Í dómnefnd sátu:

  • Baldvina Snælaugsdóttir, markaðsstjóri einstaklingssviðs Vodafone
  • Elísabet Austmann, sýningastjóri hjá Marel
  • Guðmundur Arnar Guðmundsson, vörumerkjastjóri Icelandair
  • Gunnar B.Sigurgeirsson, framkvæmdastjóri markaðssviðs Ölgerðarinnar og formaður ÍMARK
  • Gunnar Thorberg Sigurðsson, markaðsstjóri Já.is
  • Ninja Ómarsdóttir, framkvæmdastjóri ÍMARK
  • Sveinn Áki Sveinsson, markaðsstjóri Íslandsbanka
  • Þórhallur Guðlaugsson, dósent við Viðskiptadeild Háskóla Íslands

Markaðsmaður ársins

Markaðsmaður ársins 2010 voru í raun tveir, tvíeyki sem eru sem einn maður, þ.e. Simmi & Jói (Sigmar Vilhjálmsson og Jóhannes Ásbjörnsson). Það var samdóma álit dómnefndar að þeir Simmi & Jói væru öðrum Íslendingum í kreppu góð fyrirmynd.

Stundum þarf að standa upp og framkvæma hlutina, hrinda því óhugsandi í framkvæmd og láta ekki úrtölufólk standa í veginum. Á 6 mánuðum hafa þeir klárlega náð að gera Hamborgarafabrikkuna einn vinsælasta veitingastað landsins.

Dómnefnd

Í dómnefnd sátu:

  • Elísabet Sveinsdóttir, sjálfstætt starfandi markaðsráðgjafi
  • Gunnar B. Sigurgeirsson, framkvæmdastjóri markaðssviðs Ölgerðarinnar og formaður ÍMARK
  • Hafdís Jónsdóttir, eigandi World Class
  • Hermann Guðmundsson, forstjóri N1 og markaðsmaður ársins 2009
  • Magnús Loftsson, framkvæmdastjóri Hvíta hússins og formaður SÍA
  • Magnús Geir Þórðarson, leikhússtjóri Borgarleikhússins og markaðsmaður ársins 2008
  • Ninja Ómarsdóttir, framkvæmdastjóri ÍMARK