Valmynd Gerast meðlimur


08. júní

Pé err og hefðbundin markaðssetning

Pé err og hefðbundin markaðssetning - hvað er að frétta af sambúðinni?
Morgunfundur ÍMARK um almannatengsl, 18. maí í fundarsal Orkuveitunnar á Bæjarhálsi.

Hvaða rými eiga almannatengsl að hafa í nútíma markaðssamskiptum? Hvað segja almannatenglar, fréttamenn, auglýsingastofufólk, viðskiptavinurinn og opinberir aðilar?
Eru hefðbundin markaðssetning og almannatengsl tvíhöfða skepna? Eru almannatengsl sniðug leið eða ólöglegt brask? Hvar eru mörkin í fjölmiðlun nútímans sem sýna skil almannatengsla, keyptrar kynningar og ritstjórnarefnis?

Skráðu þig á fundinn hér


Dagskrá fundarins er mjög áhugaverð og áhugasamir um markaðs- og kynningarmál ættu ekki að láta þennan fund framhjá sér fara. 

"Ekki-fréttir og áhrifavaldar"
Már Másson, yfirmaður markaðsmála hjá Bláa lóninu
Mörk auglýsinga og fréttaflutnings virðast sífellt óskýrari. Fyrirtæki nýta sér æ meir almannatengsl og efnismarkaðssetningu (content marketing) til að koma ímynd sinni, vörum og þjónustu á framfæri. Sama má segja um tilkomu áhrifavalda á samfélagsmiðlum. Á slík nálgun alltaf við? Rýrir hún trúverðugleika fyrirtækja og fjölmiðla?

"Hvernig styður pé err við markaðsstarfið?"
Kristján Hjálmarsson, viðskipta-og almannatengslastjóri hjá HN:Markaðssamskiptum
Hvernig er best að styrkja markaðsstarf með skipulögðum almannatengslum? Hver er munurinn á PR og auglýsingum, hvert er verðmæti almannatengsla miðað við auglýsingar, heimur fréttamannsins, tímasetningar.  Dæmi um vel heppnuð almannatengsl og dæmi um það sem getur farið miður. 

"Duldar auglýsingar á samfélagsmiðlum: Skyldur áhrifavalda og fyrirtækja"
Þórunn Anna Árnadóttir, sviðsstjóri hjá Neytendastofu. 
Hvaða lagakröfur gilda um auglýsingar á samfélagsmiðlum? Hverjar eru áherslur í starfi stofnunarinnar á þessu sviði.
Færst hefur í vöxt að fyrirtæki greiði svonefndum áhrifavöldum fyrir kynningu á vörum og þjónustu, á rafrænum miðlum jafnt sem í prenti. Neytendur virðast treysta fremur meðmælum frá vinum, kunningjum og áhrifavöldum en hefðbundnum auglýsingum. Neytendum er hins vegar ekki alltaf ljóst að verið sé að reyna að nýta sér traust þeirra í markaðslegum tilgangi.

„Blessaður, meistari!“ - um ástar/haturssamband plöggara og fjölmiðla.
Atli Fannar Bjarkason, ritstjóri Nútímans
Atli stofnaði Nútímann árið 2014, hann er harður stuðningsmaður Tindastóls í körfubolta, hefur komið víða við, meðal annars verið fréttastjóri á Fréttablaðinu, starfsmaður í afgreiðslukæli í Mjólkurbúi Flóamanna, ritstjóri tímaritsins Monitor og sjónvarpsmaður í Vikunni með Gísla Marteini á RÚV. 

Fundarstjóri: Einar Ben. meðeigandi/ framkvæmdastjóri Tjarnargötunnar og stjórnarmaður í ÍMARK.

Ásta Pétursdóttir