Valmynd Gerast meðlimur


08. júní

Jón Þorgeir nýr framkvæmdastjóri ÍMARK

Jón Þorgeir Kristjánsson hefur verið ráðinn framkvæmdastjóri ÍMARK. Hann tekur við af Ástu Pétursdóttur í ágúst. 

Jón Þorgeir Kristjánsson hefur verið ráðinn framkvæmdastjóri ÍMARK. Hann mun hefja störf í ágúst og tekur við af Ástu Pétursdóttur, sem hefur gegnt starfinu síðastliðin þrjú ár og lætur af störfum að eigin ósk. „Við í stjórn ÍMARK óskum Ástu velfarnaðar í þeim verkefnum sem hún tekur sér fyrir hendur. Sá kraftur og framkvæmdagleði sem einkennir störf hennar hefur svo sannarlega sett mark sitt á starfsemi ÍMARK á þeim tíma sem hún hefur unnið  fyrir félagið,” segir María Hrund Marínósdóttir, formaður ÍMARK. 

Jón Þorgeir hefur gegnt stöðu markaðsstjóra Borgarleikhússins frá 2014. Hann hefur starfað í leikhúsi um árabil og gegnt ýmsum störfum m.a. sem hönnuður eða verkefnastjóri og tekið þátt í uppsetningu á annað hundrað leiksýninga. Jón Þorgeir er með MBA gráðu frá Háskólanum í Reykjavík og BA í grafískri hönnun frá Listaháskóla Íslands. Þá situr Jón Þorgeir í stjórn Reykjavík Dance Festival og verslunarinnar Indiska.

Hildur Björk og Ragnar nýir stjórnarmenn ÍMARK
Hildur Björk Hafsteinsdóttir og Ragnar Gunnarsson voru kosin ný inn í stjórn ÍMARK á aðalfundi félagsins sem fór fram 24. maí síðastliðinn. Þau taka sæti Kristjáns Schram og Ágústu Hrundar Steinarsdóttur. 
Hildur Björk er markaðsstjóri Símans frá 2014 og sá áður um markaðssetningu á fyrirtækjamarkaði ásamt því að verkefnastýra viðburðum Símans frá 2009. Hún var verkefnastjóri í markaðsdeild Icelandair frá 2006 til 2009. Þar áður starfaði hún við sölu- og markaðsmál hjá Hugviti. Hildur Björk er með BS í viðskiptafræði með áherslu á markaðsfræði úr Háskóla Íslands. 
Ragnar Gunnarsson er framkvæmdastjóri auglýsingastofunnar Brandenburg og einn af eigendum hennar. Hann hefur unnið í auglýsingageiranum frá 2000 og var meðal annars framkvæmdarstjóri auglýsingastofunnar Fíton frá 2009. Þá var Ragnar framkvæmdastjóri ÍMARK 1998 og formaður SÍA (Samband íslenskra auglýsingastofa) 2011. Ragnar útskrifaðist úr Háskóla Íslands með cand.oecon gráðu með áherslu á stjórnun og markaðsmál 1998.

Stjórn ÍMARK fyrir starfsárið 2017-2018:

  • Jón Þorgeir Kristjánsson, framkvæmdastjóri ÍMARK
  • María Hrund Marinósdóttir, formaður ÍMARK
  • Einar Ben, meðeigandi og framkvæmdastjóri Tjarnargötunnar
  • Guðjón Guðmundsson, meðeigandi og ráðgjafi hjá Manhattan Marketing
  • Gunnar K. Sigurðsson, markaðsstjóri Isavia
  • Hildur Björk Hafsteinsdóttir, markaðsstjóri Símans
  • Hreiðar Þór Jónsson, framkvæmdastjóri Nóra
  • Ragnar Gunnarsson, framkvæmdastjóri og meðeigandi Brandenburg

Ásta Pétursdóttir